தூய தமிழில் பதிவுகளை இடுவது எப்படி ?

இந்த பதிவில் நான் ஆங்கிலம் கலக்காத தூய தமிழில் எப்படி எழுதுவது என்று கூறப்போகிறேன். இது மிக எளிது (நீங்கள் நினைத்தால்:). இப்பொழுது அதனை எப்படி செய்வது என்று பார்ப்போம். நாம் பெரும்பாலும் சில பல ஆங்கில வார்த்தைகள் கலந்த பதிவுகளை இடுகிறோம். அது நம் தாய் மொழியை கொச்சைப்படுத்துவது போல் ஆகிவிடுகிறது. முக்கியமாக தொழில்நுட்ப பதிவர்கள் அதிகம் ஆங்கில வார்த்தைகளை கலந்தே பதிவுகளை இடுகிறார்கள். உதாரணத்திற்கு எனது சில பதிவையே எடுத்துக்கொள்ளுங்கள்.நான் முதன் முதலில் பதிவுகளை எழுத ஆரம்பிக்கும் பொழுது சில ஆங்கில வார்த்தைகள் கலந்து எழுத ஆரம்பித்தேன். எப்பவும் நான் பதிவுகளை எழுதி முடித்தவுடன் என் அண்ணனிடம் சரி பார்க்க சொல்வேன். அவ்வாறு சரி பார்க்கும் போது எனது அண்ணன் ஏன் இவ்வளவு ஆங்கில வார்த்தைகளை கலந்து எழுதுகிறாய் என்று கேட்டுவிட்டு எனக்கு ஒரு தமிழ் அகராதியை கொடுத்தார் (Tamil dictionary). சிறிது காலம் அதனை பயன்படுத்தி பதிவுகளை இட ஆரம்பித்தேன்.ஆனால் அதிலும் சில ஆங்கில வார்த்தைகளுக்கு தமிழ் அர்த்தம் கிடைக்கவே இல்லை. சரி இதில் கிடைக்காவிட்டால் என்ன நேரலையில் (online) இதற்கு என்றே சில தளங்கள் இருக்கின்றதே என்று கூகிளில் தேட ஆரம்பித்தேன். அப்பொழுது இரண்டு அற்புதமான  நேரலை தமிழ் அகராதி தளங்கள் கிடைத்தன. அதில் நமக்கு தேவையான அனைத்து வார்த்தைகளுக்கும் தமிழ் அர்த்தம் கிடைக்கிறது.எனவே இனிமேலாவது சில ஆங்கில வார்த்தைகள் கலக்காமல் பதிவுகளை  இட ஆரம்பிப்போம்.இப்பொழுது அந்த நேரலை அகராதி தளங்களின்  இணைப்பையும் மற்றும் என் அண்ணன் தேடித் தந்த தமிழ் அகராதியின் இணைப்பையும்  தருகிறேன்.
கவனனிக்க: இது போன்ற தூய தமிழில் எழுதும்போது சில கடினமான வார்த்தைகள் வரும். அந்த   கடினமான வார்த்தைகளை  ஒரு அடைப்புகுறியில்(அதன் பக்கத்திலேயே) அதற்கான ஆங்கில வார்த்தையை எழுதுங்கள். இதனால் வாசகர்கள் அதனை எளிதில் புரிந்துக் கொள்வர்.இதோ இது போன்று : இணையம் (internet), மேலேற்று (upload)..

நேரலை தமிழ் அகராதி தளங்கள் (online tamil dictionary) :-

1. http://www.tamildict.com/english.php?action=search&word=dictionary

2. http://www.lanka.info/dictionary/EnglishToSinhala.jsp


தமிழ் அகராதி:-

http://www.scribd.com/doc/2421484/Tamil-Technical-Computer-Dictionary

கூகிள்:-
http://www.google.com/dictionary?langpair=ta|en

அகரமுதலி:- 
http://siththan.com/archives/1656

Tweet

Posted in: blogging tips